ავტორი: MangaMoon

Call of Duty - Warzone

გახსოვს… Warzone-ში ვერდანსკი ბირთვულმა აფეთქებამ რომ გაანადგურა და ნაცნობი რუკა ერთ დღეში წარსულად იქცა? 2021 წლის აპრილში ზომბების გავრცელება კონტროლს გასცდა. ინფექცია ქალაქის სხვადასხვა ნაწილს მოედო, შეკავების მცდელობები კი უშედეგო აღმოჩნდა. მოთამაშეები, რომლებიც აქამდე ერთმანეთს ებრძოდნენ, ახლა ვერდანსკის უკანასკნელი წუთების მონაწილეები გახდნენ. 21 აპრილს ბირთვული რაკეტა გაუშვეს. აფეთქებამ ქალაქი გაანადგურა — ნაცნობი ქუჩები, შენობები და ადგილები, სადაც მოთამაშეებს ასობით ბრძოლა ჰქონდათ გადატანილი, კაშკაშა ნათებამ დაფარა. ამის შემდეგ მოქმედება ღამის Rebirth Island-ზე გადავიდა. კუნძულზე დამალული შეტყობინებები და მინიშნებები მოთამაშეებს ივენთის გაგრძელებისთვის ამზადებდა. მეორე დღეს მათ რაკეტის გაშვებამდე მომხდარი მოვლენები ათამაშეს: გუნდები მოწყობილობის დასაუფლებლად იბრძოდნენ, რომლის შენარჩუნებაც ბირთვული დარტყმის გააქტიურების საშუალებას იძლეოდა. შემდეგ ისევ ვერდანსკის აფეთქება გამოჩნდა — მაგრამ ამჯერად კადრებმა დრო უკან გადაახვია. მოთამაშეები 1984 წლის ვერდანსკში დაეშვნენ. ეს განადგურებული ქალაქის აღდგენა კი არ იყო, არამედ მისი წარსულის ჩვენება: ნაცნობ ტერიტორიაზე სხვა შენობები, მშენებარე ადგილები და ცივი ომის გარემო დახვდათ. ასე იქცა ვერდანსკის განადგურება ახალ სეზონზე გადასვლის სანახაობრივ გზად და Warzone-ის კავშირი Black Ops Cold War-ის ეპოქასთან კიდევ უფრო გამყარდა.

მასალა: ხე