ავტორი: MangaMoon

კოდი გეასი: ამბოხებული ლელუში

გახსოვს… შინჯუკუს გეტოში ლელუში ბრიტანიის ჯარისკაცების წინ რომ დგას და პირველად გასცემს ბრძანებას, რომელსაც ისინი ვერ შეეწინააღმდეგებიან? გარშემო ქაოსია. იმპერიის ჯარი გეტოს უტევს და უდანაშაულო იაპონელებსაც ხოცავს. ლელუში შემთხვევით ხვდება დაპირისპირების შუაგულში, სადაც ბავშვობის მეგობარს, სუზაკუს, კვლავ შეხვდება. სუზაკუ მშვიდობიანი მოსახლეობის დახოცვაზე უარს ამბობს — ამის გამო მას ესვრიან. მალე ჯარისკაცები ლელუშსაც ალყაში აქცევენ. მასთან ერთად იდუმალი მწვანეთმიანი გოგოა — C.C. როცა ჯარისკაცები ცეცხლს ხსნიან, ის ლელუშს ეფარება და მიწაზე ეცემა. ლელუში ფიქრობს, რომ სიკვდილს ვეღარ გადაურჩება. სწორედ მაშინ C.C. მას გარიგებას სთავაზობს: თუ მისი სურვილის შესრულებას დათანხმდება, ძალას მისცემს, რომლითაც საკუთარ გზას აირჩევს. ლელუში თანხმდება. როცა თვალს ახელს, მის მარცხენა თვალში წითელი ნიშანი ჩნდება. ის ჯარისკაცებს უყურებს და პირველად იყენებს გეასს— ძალას, რომელიც სხვებს მისი ბრძანების შესრულებას აიძულებს. „დაიხოცეთ.“ ჯარისკაცები იარაღს საკუთარ თავზე მიმართავენ და ბრძანებას ემორჩილებიან. რამდენიმე წამის წინ ლელუში მათ წინაშე უძლური იდგა; ახლა იმპერიის ჯარისკაცები მის სიტყვას უსიტყვოდ ასრულებენ. ამ ძალით იწყება მისი გზა ზეროსკენ — ნიღბიანი ამბოხებულისკენ, რომელიც ბრიტანიის იმპერიას დაუპირისპირდება.

მასალა: ხე