ავტორი: MangaMoon

ევანგელიონი ევა-02

გახსოვს... შინჯის პირველი ბრძოლა თითქმის მარცხით რომ დასრულდა, შემდეგ კი ევა-01 თავისით წამოდგა? ტოკიო-3-ის ქუჩებში შინჯი პირველად მართავს უზარმაზარ სხეულს. წინ ანგელოზი საჩიელი დგას. ბიჭი ნაბიჯის გადადგმას ცდილობს, მაგრამ წონასწორობას კარგავს და ევა სახით ასფალტს ეჯახება. საჩიელი ახლოვდება. ევას სახეში ხელს ჩაავლებს, მარცხენა მკლავს უმტვრევს და თავში გამჭოლი დარტყმით აზიანებს. კაბინაში შინჯი ტკივილისგან ყვირის — მანქანის დაზიანებას საკუთარ სხეულში გრძნობს. შემდეგ კავშირი წყდება. ნერვის მართვის ცენტრში ეკრანებს უყურებენ, მაგრამ პილოტისგან პასუხი აღარ მოდის. მაშინ ევა მოძრაობს. პირს აღებს და ღრიალებს. დაცემული სხეული ოთხზე დგება, შემდეგ საჩიელისკენ ნახტომით მიიჭრება. მის მოძრაობაში თავდაპირველი მოუქნელობა ქრება; ყოველი შეტევა სწრაფი და სასტიკია. საჩიელი დამცავ AT-ველს აღმართავს. ევა გატეხილ მკლავს აღიდგენს, საკუთარ ველს იყენებს და ბარიერს ხელებით არღვევს. მოწინააღმდეგეს მიწაზე აგდებს, მკლავებს უმტვრევს და მკერდის წითელ ბირთვს უტევს. საჩიელი უკანასკნელ ნაბიჯს დგამს: ევას გარს ეხვევა და თავს იფეთქებს. ქალაქის თავზე ჯვრის ფორმის უზარმაზარი აფეთქება ჩნდება. კვამლიდან ევა-01 გადარჩენილი გამოდის. შინჯიმ ბრძოლა მოიგო, მაგრამ გამარჯვებას თვითონ ვერ მართავდა. სწორედ აქ ჩნდება პირველი საშინელი ეჭვი: ჯავშნის ქვეშ ცოცხალი არსებაა, რომელსაც საკუთარი ნება აქვს — და გაღვიძებისას მისი შეჩერება ადამიანებს აღარ შეუძლიათ.

მასალა: ხე