ავტორი: MangaMoon

საურო გოჯო

გახსოვს... შიბუიას სადგურში სატორუ გოჯო დომენის გახსნას რომ გადაწყვეტს, მიუხედავად იმისა, რომ გარშემო მშვიდობიანი ადამიანები დგანან? ვიწრო სივრცეში ბრბო ერთმანეთს აწვება. მათ შორის წყევლები და ტრანსფორმირებული ადამიანები მოძრაობენ. გოჯოს ყოველი შეტევა შეზღუდული აქვს: ერთი დაუფიქრებელი ნაბიჯი და მის დასაცავ ადამიანებს თავად შეიწირავს. მტრები სწორედ ამაზე გათვლით უტევენ — მის ძალას გარშემო მყოფი ადამიანებით ბოჭავენ. გოჯო ხელს სწევს. დომენის გაფართოება — „უსაზღვრო სიცარიელე“. მხოლოდ 0.2 წამი. სივრცეში მყოფთა გონებას ინფორმაციის უზარმაზარი ნაკადი ავსებს. მოძრაობა წყდება. ადამიანები ფეხზე დგანან, მაგრამ ვეღარ რეაგირებენ. წყევლებიც შეჩერებულნი არიან. ეს უმცირესი ხანგრძლივობა გოჯოს გათვლაა: საკმარისი მოწინააღმდეგეების გასაჩერებლად და იმდენად მოკლე, რომ ჩვეულებრივ ადამიანებს გადარჩენის შესაძლებლობა დარჩეთ. დომენი ქრება, თუმცა სადგური ისევ გაშეშებულია. ახლა გოჯო მოძრაობს. უძრავ სხეულებს შორის გაიჭრება და ტრანსფორმირებულ ადამიანებს ერთმანეთის მიყოლებით ანადგურებს. აღარ ჩერდება, აღარ აძლევს მათ გამოფხიზლების დროს. მისი სიჩქარე ბრბოს უძრაობას კიდევ უფრო მკვეთრს ხდის. ყოველი წამი დარჩენილ საფრთხეს ამცირებს. სადგურის ამ ნაწილში ათასი ტრანსფორმირებული ადამიანია. გოჯო მათ წინააღმდეგ მარტო მოქმედებს. მშვიდობიან ადამიანებს შორის გზას იკვალავს და სამიზნეებს არჩევს, სანამ ისინი მოძრაობის უნარს დაიბრუნებენ. 299 წამში უკანასკნელი ტრანსფორმირებული ადამიანიც განადგურებულია. გოჯო სისხლით დაფარულ სადგურში ჩერდება.

მასალა: ხე