ავტორი: MangaMoon

მორტალ კომბატი 1 - საბ ზირო vs სკორპიონი

გახსოვს… Mortal Kombat 1-ში სკორპიონი საკუთარ ძმას, საბ ზიროს, რომ უპირისპირდება? ამ სამყაროში სკორპიონი კუაი ლიანგია, საბ ზირო კი — მისი უფროსი ძმა, ბი-ჰანი. ორივე ლინ კუეის მებრძოლია, მაგრამ კლანის მომავალი სხვადასხვაგვარად წარმოუდგენიათ: კუაის სჯერა, რომ მათი მოვალეობა დედამიწის დაცვაა, ბი-ჰანს კი საკუთარი კლანის ძალაუფლების გაზრდა სურს. როცა ბი-ჰანი შანგ ცუნგთან ალიანსს დებს, კუაი ხვდება, რომ ძმა თავის ფიცს ღალატობს. მაგრამ ყველაზე მძიმე სიმართლე ჯერ წინ აქვს: ბი-ჰანი აღიარებს, რომ მამას, ლინ კუეის ყოფილ გრანდმასტერს, სიკვდილის დროს დახმარება განზრახ არ გაუწია. ადრე კი კუაის უთხრა, მის გადარჩენას ვცდილობდიო. კუაი ტყვეობას თავს აღწევს და სმოუკს ხვდება. გაქცევისას მათ ბი-ჰანი ეწევათ. თოვლით დაფარულ ციხესიმაგრესთან ძმები ერთმანეთს უპირისპირდებიან — ცეცხლი და ყინული ერთმანეთს ეჯახება. ბრძოლისას ბი-ჰანი კუაის სახეს უსერავს, მაგრამ ბოლოს კუაი იმარჯვებს და ძმას სამკერდე ნიშანს აგლეჯს. თუმცა გრანდმასტერობას არ ითვისებს. როცა ხედავს, რომ ლინ კუეის მეომრები ბი-ჰანის მხარეს რჩებიან, კუაი სმოუკთან ერთად მიდის. მოგვიანებით ისინი შირაი რიუს დააარსებენ — ახალ კლანს, რომელსაც ერთგულებასა და დედამიწის დაცვაზე ააგებენ. კუაის სახეზე დარჩენილი ჭრილობა იმ დღის კვალია, როცა ძმა დაკარგა და საკუთარი გზა აირჩია.

მასალა: ხე